ریاض :سعودی عرب میں اپنے نام سے کاروبار شروع کروانے والے سعودی شہریوں سے غیر ملکی شہریوں نے ہاتھ کر نے شروع کر دیئے ۔
تفصیلات کے مطابق سعودی عرب کے متعدد شہریوں نے وزات تجارت میں درخواست دائر کی ہے کہ ان کے نام پر غیر ملکی شہریوں نے کاروبار شروع کیے تھے ۔ تاہم ان غیر ملکیوں نے خروج لگوا کر انہیں مشکل میں ڈال دیا ہے ۔
ایک شہری کا کہناہے کہ اس کی دکان مسجد نبوی کے اطراف میں ہے اس نے کہا کہ غیر ملکی دکاندار اادھار کرکے چلا گیا ہے اور اب تمام واجبات اور ادھار مجھے واپس کرنے کا حکم آیا ہے ۔میرے ذمے تین لاکھ ریال سے زائد واجبات ہیں ۔
سعودی شہری کا کہناتھا کہ سعودائزیشن کی پالیسی کے بعد غیر ملکی شہری چھوڑ کر جا رہے ہیں اور ان کےی طرف سے لیا گیا ادھار ہمیں واپس کرنا پڑ رہاہے ۔واضح رہے سعودی وزیر تجارت نے غیر ملکی کو اپنے نام سے کاروبار کروانے والے سعودی شہریوں کو دس برس تک قید کی سزا کے ساتھ 20 لاکھ ریال تک جرمانے کی سزا کا حکم سنایا ہوا ہے ۔