لاہور : پاکستانی کرکٹ ٹیم کے اوپنر بلے باز امام الحق ساتھی کھلاڑی فخر زمان کا تیز ترین ہزا ر ون ڈ ے رنز کا ریکارڈ برابر کرنے کا قریب آگئے۔ قومی کرکٹر کو ریکارڈ برابر کرنے کیلئے آئندہ میچ میں 95 رنز بنانا ہوں گے۔
تفصیلات کے مطابق قو می کرکٹ ٹیم کے 23سالہ اوپنر بلے باز امام الحق اب تک17میچز میں 64.64 کی اوسط سے 905 رنز بنا چکے ہیں جن میں 4 سنچریاں اور4 نصف سنچریاں شامل ہیں ،اگر امام الحق دوسرے ون ڈے میں 95رنز سکور کرنے میں کامیاب ہوجاتے ہیں تو وہ اپنے ساتھی اوپنر فخر زمان کا ون ڈے کرکٹ میں کم ترین اننگز میں 1000رنز مکمل کرنے کا ریکارڈ برابر کردیں گے ۔
واضح رہے کہ قومی بلے باز فخر زمان نے گزشتہ سال زمبابوے کے خلاف پانچویں ون ڈے کے دوران اپنی 18ویں اننگز میں ہزار ون ڈے رنز مکمل کرکے لیجنڈ ویسٹ انڈین بلے باز سر ویوین رچرڈز کا 38سال پرانا ریکارڈ توڑا تھا ،سر ویوین رچرڈز نے21اننگز کھیل کر یہ ریکارڈ اپنے نام کیا تھا۔
