گنے کا رس مختلف غذائی اجزاءسے بھرپور ہوتا ہے، جو ہماری عمومی صحت پر مثبت اثرات مرتب کرتا ہے۔ یہاں ہم آپ کو گنا کے رس کے چند اہم فوائد بتا رہےہیں۔
٭ گنے کا رس گلے میں خراش، تکلیف، نزلہ اور آدھے سرکے درد کے علاج میں آرام پہنچاتا ہے۔
٭ گنا پٹھوں کی مضبوطی کو برقرار رکھنے کیلئے جسم میں ضروری قدرتی گلوکوز کی فراہمی کو یقینی بناتا ہے۔
٭ بخار میں مبتلا شخص کو ڈاکٹرز گنے کا رس پلانے کی تجویز دیتے ہیں۔
٭ یرقان کے مرض میں مبتلا مریضوں کیلئے گنے کا رس جسم میں گلوکوز کی سطح کو مطلوبہ حد تک پہنچا کر مریض کی جلد بحالی میں اہم کردار ادا کرتا ہے۔
٭ نظام انہضام کی بہتری اور قبض کا بہترین علاج گنے کے رس ہے۔
٭ گنا سوکروس نامی شوگر کا حامل ہوتا ہے، جو قدرتی طور پر زخموں کو بھرنے میں معاون ثابت ہوئی ہے۔ اس کے علاوہ یہ قوت مدافعت کو بھی بڑھاتی ہے۔
٭ گنے کا رس دل کے امراض سے حفاظت کا ذریعہ ہے، کیونکہ یہ جسم میں کولیسٹرول کی سطح کو بڑھنے نہیں دیتا۔
٭ گنے کا رس پیشاب کی نالی میں ہونے والی جلن کا بہترین قدرتی علاج ہے۔
٭گنے میں قدرتی طور پر الکلوی نامی جزو شامل ہوتا ہے، جو انسانی جسم کو غدود اور چھاتی کے کینسر سے لڑنے کے قابل بنا دیتا ہے۔
٭ گنے کے رس میں موجود کیلشیم اور فاسفورس ہڈیوں کی مضبوطی میں کردار ادا کرتا ہے۔
٭ خون کی کمی کا شکار افراد گنے کا جوس ضرور پیئں کیوں کہ اس میں آئرن کی اچھی خاصی مقدار پائی جاتی ہے۔
٭ مختلف تحقیقات نے یہ ثابت کیا ہے کہ گنا کا رس گردے اور جگر کیلئے نہایت فائدہ مند ہے، یہ قدرتی طور پر جگر اور گردے کی صفائی کرکے ان کے ان کے کام کرنے کی استعداد کو بڑھا دیتا ہے۔
٭ گنے کے رس سے بنا گڑ آئرن کے حصول کا بہترین ذریعہ ہے ۔یہ انسانی جسم کیلئے نہایت ضروری ہے کیونکہ اس کی موجودگی سے خون کی کمی نہیں ہوتی۔
٭ مائیکرونیوٹرنٹس انسانی جسم کی ضرورت ہوتے ہیں، جن کی وجہ سے ایک انسان متعدد نفسیاتی افعال سرانجام دیتا ہے، اور گڑ ایسے مائیکرونیوٹرنٹس سے بھرپور ہوتا ہے۔
