راولپنڈی: سکیورٹی فورسز نے خیبرپختونخوا کے ضلع کرک میں ایک اہم کارروائی کرتے ہوئے 6 خارجیوں کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے 21 فروری کو کرک میں خفیہ اطلاعات پر آپریشن کیا۔
آئی ایس پی آر کے مطابق، آپریشن کے دوران سکیورٹی فورسز نے دہشت گردوں کے ٹھکانے کو کامیابی سے نشانہ بنایا، جس کے نتیجے میں 6 دہشت گرد مارے گئے۔پاک فوج کے شعبہ تعلقات عامہ نے مزید بتایا کہ کرک میں کلیئرنس آپریشن جاری ہے اور سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔
