اسلام آباد: پی ٹی آئی نے سینیٹرز کی معطلی کے معاملے پر ڈپٹی چیئرمین سینیٹ سیدال خان ناصر کی رولنگ کو مسترد کرتے ہوئے ان سے استعفیٰ دینے اور اپوزیشن سینیٹرز سے معافی مانگنے کا مطالبہ کیا۔
ڈپٹی چیئرمین سینیٹ سیدال خان ناصر نے اپنی رولنگ میں کہا تھا کہ تین اپوزیشن سینیٹرز نے ایوان کا تقدس پامال کیا اور ان کا طرز عمل ایوان کے اصولوں کے مطابق نہیں تھا، اس وجہ سے ان کی معطلی اور انخلا کا فیصلہ اپوزیشن لیڈر اور قائد ایوان کے فیصلے پر چھوڑا گیا۔
پی ٹی آئی کے سینیٹر شبلی فراز نے کہا کہ ڈپٹی چیئرمین سینیٹ نے موڈریٹر کی بجائے خود کو فریق بنا لیا اور جب تحریک پر گنتی کا نتیجہ حکومت کے خلاف آیا تو اس نتیجے کو روک دیا۔ انہوں نے کہا کہ ڈپٹی چیئرمین کو گنتی کے نتائج کا اعلان کرنا چاہیے اور اپنے عہدے سے استعفیٰ دینا چاہیے۔
وفاقی وزیر قانون اعظم تارڑ نے جب تقریر کی تو اس دوران بھی اپوزیشن ارکان کی نعرے بازی جاری رہی
