کراچی : کراچی میں لانڈھی ڈسٹرکٹ جیل سے 22 بھارتی ماہی گیروں کو رہا کر دیا گیا۔ جیل سے رہائی پانے والے بھارتی ماہی گیروں کو سرکاری ادارے کی نگرانی میں ایدھی فاؤنڈیشن کے انتظامات کے تحت بس کے ذریعے لاہور منتقل کیا جا رہا ہے، جہاں سے وہ واہگہ کے راستے اپنے وطن واپس جائیں گے۔
سپرنٹنڈنٹ لانڈھی جیل ارشد شاہ کے مطابق، ان 22 بھارتی ماہی گیروں میں 3 مسلمان اور 19 ہندو شامل ہیں۔ یہ ماہی گیر پاکستانی سمندری حدود میں غیر قانونی طور پر مچھلیوں کے شکار کے دوران پکڑے گئے تھے اور گزشتہ 3 سے ڈھائی سال کے دوران انہیں حراست میں لیا گیا تھا۔ ان ماہی گیروں نے مقامی عدالت سے ملی جرم کی سزا مکمل کر لی تھی۔
ارشد شاہ نے بتایا کہ ماہی گیروں کو انسانی ہمدردی کی بنیاد پر رہا کیا گیا ہے اور انہیں وطن روانہ کرتے وقت اخراجات کی معقول رقم اور تحائف بھی دیے گئے۔ انہوں نے مزید بتایا کہ ڈسٹرکٹ جیل ملیر میں اس وقت 198 بھارتی ماہی گیر سزا کاٹ رہے ہیں۔