دبئی: انٹرنیشنل کرکٹ کونسل (آئی سی سی) نے نئی ٹی 20 انٹرنیشنل رینکنگ جاری کر دی ہے اور بھارت ایک بار پھر دنیا کی نمبرون ٹیم بن گئی ہے جبکہ پاکستانی ٹیم تیسری پوزیشن پر آ گئی ہے۔
آئی سی سی کی جانب سے جاری کی گئی رینکنگ کے مطابق بھارتی ٹیم ویسٹ انڈیز کیخلاف آخری ٹی 20 انٹرنیشنل میچ میں 17 رنز کی جیت کیساتھ تین میچز کی سیریز میں 0-3 کی کامیابی سمیٹنے میں کامیاب رہی جس کے باعث رینکنگ میں یہ پہلی پوزیشن پر آ گئی ہے۔
A new team on top of the ICC @MRFWorldwide Men's T20I Rankings ????
— ICC (@ICC) February 21, 2022
Details ????https://t.co/fVOjhQo8J5
انگلینڈ کرکٹ ٹیم دوسری پوزیشن پر ہے اور پاکستان کرکٹ ٹیم تیسرے نمبر پر آ گئی ہے جبکہ نیوزی لینڈ چوتھے، جنوبی افریقہ پانچویں، آسٹریلیا چھٹے، ویسٹ انڈیز ساتویں، افغانستان آٹھویں، سری لنکا نوویں اور بنگلہ دیش کرکٹ ٹیم 10 ویں نمبر پر ہے۔
