ملک میں سونے کی قیمت میں اضافہ

کراچی :سونے کی قیمت میں ایک بار پھر اضافہ ہوگیا ہے۔ آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 2100 روپے کا اضافہ ہوا ہے، جس کے بعد نئی قیمت 2 لاکھ 73 ہزار 400 روپے ہوگئی ہے۔

اسی طرح، 10 گرام سونے کی قیمت 1800 روپے کے اضافے کے ساتھ 2 لاکھ 34 ہزار 396 روپے تک پہنچ گئی ہے۔

عالمی صرافہ بازار میں بھی سونا مہنگا ہوا ہے، جہاں سونے کا بھاؤ 21 ڈالر اضافے کے بعد 2622 ڈالر فی اونس ہوگیا ہے۔

یاد رہے کہ گزشتہ دو دنوں میں سونے کی قیمت میں 4600 روپے فی تولہ کمی ہوئی تھی۔