جوہانسبرگ : قومی کرکٹ ٹیم جنوبی افریقہ کے خلاف تیسرا اور آخری ایک روزہ میچ کھیلنے کے لیے جوہانسبرگ پہنچ گئی ہے۔ پاکستانی ٹیم سیریز میں 2-0 کی فیصلہ کن برتری کے ساتھ میدان میں اتری ہے اور کلین سویپ مکمل کرنے کی بھرپور تیاری کر رہی ہے۔
قومی ٹیم آج جوہانسبرگ میں پریکٹس سیشن میں حصہ لے گی تاکہ تیسرے میچ کے لیے اپنی حکمت عملی پر کام کر سکے۔ دوسری طرف، جنوبی افریقہ کے فاسٹ باؤلر بارٹ مین گھٹنے کی انجری کے باعث اسکواڈ سے باہر ہو گئے ہیں، جو پروٹیز کے باؤلنگ شعبے کے لیے ایک بڑا دھچکا ہے۔پاکستان اور جنوبی افریقہ کے درمیان یہ میچ 22 دسمبر کو پاکستانی وقت کے مطابق شام 5 بجے شروع ہوگا، جس میں پاکستان سیریز کا کلین سویپ مکمل کرنے کی کوشش کرے گا۔
