نیویارک : امریکہ کی شمال مشرقی ریاستوں میں شدید برفانی طوفان کے باعث مختلف حادثات میں پانچ افراد ہلاک ہوگئے ہیں ۔
تفصیلات کے مطابق امریکہ کی شمال مشرقی ریاستیں شدید برفانی طوفان کی زد میں ہیں ، گیل نامی برفانی طوفان نے برف باری کے تمام ریکارڈ توڑ دیے ہیں ۔
کئی ریاستوں میں تین فٹ سے زائد برف باری ہوئی ، برف سے لطفر اندوز ہونے کے لیے امریکی پارکوں میں نکل آئے ہیں ، امریکہ کی شمال مشرقی ریاستوں نے برف کی چادر اوڑھ لی ہے ، نیویارک سٹی شہر میں ایک رات میں پچھلے تمام سال سے زیادہ برف باری ریکارڈز توڑے دیےہیں ۔
شمال مشرقی امریکی ریاستوں میں مقیم چھ کروڑ امریکیوں کو محتاط رہنے کی ہدایات جاری کی گئی ہیں ، نیویارک کے مختلف علاقوں میں چالیس انچ سے زائد برف باری ہوئی ۔
نیویارک میں گاڑیوں کے پانچ سو حادثات ہوئے ہیں ، میری لینڈ میں بھی ساڑے تین سو سے زائد حادثات ہوئے ، ریاست نیویارک میں ایک اٹھاون سالہ شخص اپنی ہی گاڑی میں دس گھنٹے برف میں دبا رہا تاہم پولیس نے شہری نے زندہ بچا لیا ۔
امریکی ریاست کے جنوبی ورماؤنٹ میں چوالسی انچ تک برف باری ہوئی ، ریاست نیو ہمپشائر میں سات انچ فی گھنٹہ کی رفتار سے برف باری ہوئی ۔
برف باری کی وجہ سے نظام زندگی بری طرح مفلوج ہے ، مکانات اور گاڑیاں برف میں دھنس چکے ہیں ، شہری برف میں دھنسی اپنی املاک کو نکالنے میں مصروف ہیں ۔
برف باری کے بعد نیو یارک کے شہریوں کی بڑٰی تعداد نے سنٹرل پارک کا رخ کرلیا ہے ، بچوں اور بڑوں نے برف پر سلائیڈنگ کرکے خوب مزے لیے ، جبکہ نیویارک کے اہم ترین علاقوں میں کافی رش دیکھنے میں آیا ۔
