ممبئی : بھارت میں پٹرول کی قیمتوں میں اضافے سے چھوٹے بڑے سب پریشان، بھارتی سیاستدان نے صحافی کو تیل کی قیمتوں میں اضافے کے سوال پر افغانستان جانے کا مشورہ دے دیا ۔
تفصیلات کے مطابق دنیا کے دیگر ممالک کی طرح بھارت میں بھی پیٹرول کی قیمتوں میں اضافہ دیکھنے میں آیا ہے۔
اسی حوالے سے بھارتی میڈیا سمیت سوشل میڈیا پر ایک ویڈیو زیرِگردش ہے جس میں ریاست مدھیہ پردیش سے تعلق رکھنے والے بھارتی سیاسی جماعت بی جے پی کے رہنما رام رتن پایل پیٹرول کی قیمتوں کے حوالے سے پوچھے جانے والے سوال پر آگ بگولا ہوگئے۔
صحافی نے پوچھا کہ بھارت میں پیٹرول کی قیمتیں شدید بڑھ چکی ہیں، اس حوالے سے کیا کہنا چاہیں گے۔
بی جے پی رہنما نے طنزیہ جواب دیا کہ تم طالبان کے پاس چلے جاؤ، افغانستان چلے جاؤ، وہاں سے بھروا کے لے آؤ، پیٹرول کی قیمت 50 روپے فی لیٹر ہے لیکن وہاں خریدنے والا کوئی نہیں ہے۔
انہوں نے کہا کہ کم از کم ہمارے ملک میں امن تو ہے، کورونا کی دو لہریں آچکی ہیں تیسری آنے کو تیار ہے اور آپ کو پیٹرول کی قیمت کی فکر ہے۔
#BREAKING : BJP #Katni, #MadhyaPradesh district president Ramratan Payal responding to a question on inflation and on expensive petrol in #India, urges to go to #Afghanistan, there petrol is 50 rupees litre, but no one is there to purchase it.
— Sushmit Patil Сушмит Патил सुश्मित पाटिल ???????? (@PatilSushmit) August 19, 2021
BTW What about cooking oil? pic.twitter.com/jR8lZ4xO1I
خیال رہے کہ بھارت کے شہر ممبئی میں پیٹرول کی فی لیٹر قیمت 107 بھارتی روپے ہے جب کہ دہلی میں فی لیٹر پیٹرول 101 فی لیٹر بھارتی روپے میں دستیاب ہے۔
