بنگلورو: انٹرنیشنل کرکٹ کونسل (آئی سی سی) ورلڈ کپ میں پاکستان کا آسٹریلیا سے ٹاکرا ہو گا۔
کرکٹ ورلڈ کپ 2023 میں18 واں میچ آج پاکستان اور آسٹریلیا کے درمیان بنگلورو کے ایم چناسوامی اسٹیڈیممیں مقامی وقت کے مطابق دوپہر ڈیڑھ بجےکھیلا جائےگا۔
Both teams are in the hunt for two crucial #CWC23 points
— ICC (@ICC) October 20, 2023
Who's winning today in Bengaluru?#AUSvPAK pic.twitter.com/ZY8CEp0jq3
آسٹریلیا کے خلاف پاکستان ٹیم میں ایک تبدیلی کا امکان ہے۔ ذرائع کا کہنا ہے کہ شاداب خان کی جگہ اسامہ میر کو کھلایا جاسکتا ہے، شاداب خان پاکستان ٹیم کے نائب کپتان ہیں۔
اہم میچ سے قبل پاکستان ٹیم انجری مسائل سے دوچار ہے۔ اوپننگ بیٹر فخر زمان بدستور گھٹنے کی انجری کا شکار ہیں، ان کے گھٹنے کا علاج جاری ہے وہ کل کے میچ کے لئے دستیاب نہیں ہوں گے۔دوسری جانب سلمان علی آغا بھی بخار میں مبتلا ہیں، تاہم پی سی بی کا کہنا ہے کہ وہ تیزی سے صحتیاب ہورہے ہیں۔
ورلڈ کپ 2023 میں پاکستان اور آسٹریلیا نے تین، تین میچ کھیلے ہیں۔ پاکستان نے دو میچوں میں کامیابی حاصل کی جبکہ ایک میچ میں شکست ہوئی، یوں وہ 4 پوائنٹس کے ساتھ پوائنٹس ٹیبل پر چوتھے نمبر پر ہے۔
دوسری جانب آسٹریلیا نے ایک میچ جیتا ہے جبکہ 2 میچوں میں اسے شکست کا سامنا کرنا پڑا، اس طرح اس کے 2 پوائنٹس ہیں اور پوائنٹس ٹیبل اس کی پوزیشن چھٹے نمبر پر ہے۔
