کراچی: پاکستان اسٹاک ایکسچینج میں کاروباری ہفتے کا آغاز مایوس کن انداز میں ہوا، پیر کو زبردست مندی رہی اور کے ایس ای 100انڈیکس40800 ،40700 ،40600 ،40500 اور 40400 کی نفسیاتی حدوں سے گر گیا۔
سرمایہ کاری مالیت میں83ارب33کروڑروپے سے زائدکی کمی، کاروباری حجم گزشتہ روز کی نسبت18.60فیصدکم جبکہ73.71فیصد حصص کی قیمتوں میں کمی ریکارڈکی گئی۔حکومتی مالیاتی اداروں، مقامی بروکریج ہاؤز اور دیگرانسٹی ٹیوشنز کی جانب سے توانائی، اسٹیل ، ٹیلی کام اور کموڈیٹی سیکٹرمیں خریداری کے باعث کاروبار کا آغاز مثبت زون میں ہوا ٹریڈنگ کے دوران ایک موقع پر کے ایس ای 100انڈیکس 40900کی نفسیاتی حد بھی عبور کرگیا۔ تاہم سیاسی افق پر بے یقینی کی کیفیت برقرار رہنے کے باعث مقامی سرمایہ گروپ تذبذب کا شکار نظر آئے اور اپنے حصص فروخت کرنے کو ترجیح دی جس کے باعث تیزی کے اثرات زائل ہوگئے ۔
مارکیٹ کے اختتام پر کے ایس ای 100انڈیکس527.47پوائنٹس کمی سے 40316.93پوائنٹس پر بندہوا۔مجموعی طورپر350کمپنیوں کے حصص کا کاروبار ہوا،جن میں سے68کمپنیوں کے حصص کے بھاؤ میں اضافہ،258کمپنیوں کے حصص کے بھاؤ میں کمی جبکہ24کمپنیوں کے حصص بھاؤ میں استحکام رہا۔سرمایہ کاری مالیت میں 83ارب33کروڑ68لاکھ42ہزار948روپے کی کمی ریکارڈ کی گئی جبکہ سرمایہ کاری کی مجموعی مالیت گھٹ کر 83کھرب45ارب62کروڑ55لاکھ87ہزار260روپے ہوگئی۔
مجموعی طور پر 9کروڑ41ہزار9ہزار900شیئرزکاکاروبار ہواجوجمعہ کے مقابلے میں 2کروڑ15لاکھ11ہزار30شیئرزکم ہے۔قیمتوں کے اتارچڑھاؤ کے حساب سے فلپس موریس کے حصص سرفہرست رہے جس کے حصص کی قیمت143.92روپے اضافے سے3022.49روپے اورسائفرٹیکسٹائل کے حصص کی قیمت84.48روپے اضافے سے1879.48روپے پر بندہوئی۔ نمایاں کمی نیسلے پاک کے حصص میں ریکارڈ کی گئی، جس کے حصص کی قیمت600.00روپے کمی سے11400.00روپے اوررفحان میظ کے حصص کی قیمت269.00روپے کمی سے6700.00روپے پر بندہوئی۔
پیر کوٹی آر جی پاک لمیٹڈکی سرگرمیاں ایک کروڑ30لاکھ31ہزار500 شیئرزکے ساتھ سرفہرست رہیں، جس کی شیئرزکی قیمت1.76روپے کمی سے35.24روپے جبکہ دوست اسٹیل لمیٹڈ کی سرگرمیاں81لاکھ29ہزارشیئرزکے ساتھ دوسرے نمبرپر رہیں، جس کے شیئرزکی قیمت5 پیسے اضافے سے13.42روپے پر بندہوئی۔
پیر کو کے ایس ای 30انڈیکس256.66پوائنٹس کمی سے20405.85پوائنٹس،کے ایم آئی 30انڈیکس1008.29پوائنٹس کمی سے69389.90پوائنٹس اور کے ایس ای آل شیئرزانڈیکس291.38پوائنٹس کمی سے28970.50پوائنٹس پر بندہوا۔