لاہور: کرغزستان میں پھنسے 175 پاکستانی طلبہ کو وطن واپس لانے والی ایک اور پرواز لاہور ایئرپورٹ پہنچ گئی ۔
کرغزستان میں پھنسے 175 پاکستانی طلبہ کو وطن واپس لانے والی ایک اور پرواز لاہور ایئرپورٹ پہنچ گئی۔ اب تک تین پروازوں میں475سے زائد طلبا اور دیگر پاکستانی پہنچ گئےہیں۔
کرغزستان سے آج کمرشل پروازوں کے ذریعے مزید پاکستانیوں کو لایا جائے گا۔
کرغزستان سے آئے طلبہ کو لینے کے لیے وزیر اطلاعات عطاء تارڑ بھی ائیر پورٹ پہنچے۔ انکا کہنا تھا کہ کرغستان سے آنے والے طالبعلموں کو ملا ہوں۔ طلباء خوف ذرہ ہیں انہیں ہر طرح کی تسلی دی ہے۔ہم لمحہ بہ لمحہ کرغستان کی حکومت سے رابطہ میں ہیں۔
نیو نیوز کے ساتھ گفتگو میں طلبہ کی فیملی آبدیدہ ہو گئی اور بتایا کہ خود اخراجات ادا کرکے پاکستان پہنچے، بشکیک سے واپسی پر طلبہ پھٹ پڑے۔حکومت ہمارے ساتھ تعاون نہیں کررہی۔
خیال رہے کہ تین پروازوں میں475سے زائد طلبا اور دیگر پاکستانی پہنچ گئے۔
