ابوظہبی : ابوظہبی کے ولی عہد اور متحدہ عرب امارات کی مسلح افواج کے ڈپٹی سپریم کمانڈر شیخ محمد بن زاید آل نھیان نے قصر الشاطی میں شام کے صدر بشار الاسد کا استقبال کیا۔ شیخ محمد نے شامی صدر کے دورے کا خیرمقدم کیا جو دونوں ممالک کی دلچسپی کے مختلف امور پر مشاورت اور ہم آہنگی جاری رکھنے کے فریم کے تحت ہے۔
اماراتی نیوز ایجنسی وام کے مطابق شیخ محمد نے کہا کہ یہ دورہ شام اور پورے خطے میں بھلائی، امن اور استحکام کی راہ ہموار کرے گا۔ صدر بشار الاسد نے شیخ محمد کوشام کی تازہ ترین صورتحال سے آگاہ کیا۔ دونوں رہنماؤں نے برادرانہ تعلقات اور اپنے مشترکہ مفادات کے حصول اور عرب خطے اور مشرق وسطیٰ میں سلامتی، امن اور استحکام میں کردار ادا کرنے کے لیے تعاون اور مشترکہ رابطہ کاری کو فروغ دینے کے امکانات کا جائزہ لیا۔
ملاقات کے دوران فریقین نے دلچسپی کے متعدد امور پر تبادلہ خیال کیا اور شام کی علاقائی سالمیت کے تحفظ اور ملک سے غیر ملکی افواج کے انخلاء پر زور دیا۔ انہوں نے شام اور اس کے عوام کو سیاسی اور انسانی امداد فراہم کرنے کے ساتھ ساتھ تمام چیلنجوں پر قابو پا کرامن و امان تک پہنچنے کے لیے سیاسی اور انسانی مدد فراہم کرنے پر زور دیا۔
شیخ محمد نے اس بات پر زور دیا کہ شام عرب سلامتی کا ایک بنیادی ستون ہے اور متحدہ عرب امارات اس کے ساتھ تعاون کو مضبوط کرنے کا خواہاں ہے تاکہ برادر شامی عوام کےاستحکام اور ترقی کی خواہشات کو پورا کیا جا سکے۔ انہوں نے تمام علاقائی اور بین الاقوامی مسائل اور مشترکہ دلچسپی کی پیشرفت پر دونوں ممالک کے موقف کا جائزہ لیا۔
