لاہور: لاہور میں مزید تین پاسپورٹ دفاتر قائم کر دیے گئے ہیں تاکہ شہریوں کو پاسپورٹ بنوانے کی سہولت فراہم کی جا سکے۔
ڈائریکٹر پاسپورٹ لاہور ریجن، خالد عباس نے بتایا کہ یہ نئے دفاتر نادرا کے پہلے سے موجود دفاتر میں کھولے گئے ہیں۔ یہ دفاتر ایجرٹن روڈ، ساندہ سنٹر اور پیکو روڈ سنٹر پر واقع ہوں گے، جہاں عوام کو پاسپورٹ بنانے کی سہولت میسر ہوگی۔
انہوں نے مزید کہا کہ ایجرٹن روڈ میگا سنٹر میں پاسپورٹ بنانے کی سہولت 24 گھنٹے دستیاب ہو گی، جبکہ ساندہ اور پیکو روڈ کے دفاتر میں یہ سہولت رات 10 بجے تک دستیاب رہے گی۔ خالد عباس کے مطابق، لاہور میں آج سے ان تینوں نئے مراکز پر خدمات کا آغاز کر دیا گیا ہے، اور شہر میں پہلے سے 5 پاسپورٹ دفاتر کام کر رہے ہیں۔
