لاہور : مسلم لیگ ن کی نائب صدر مریم نواز نے لاہور دھماکے کی شدید الفاظ میں مذمت کی ہے ۔دھماکا انتہائی افسوسناک ہے۔
انہوں نے اپنی ٹویٹ میں کہا کہ انار کلی بازار جیسے پر ہجوم اور مصروف ترین علاقہ میں دھماکا ایک نہایت افسوسناک اور تشویشناک واقعہ ہے۔
انار کلی بازار جسے پر ہجوم اور مصروف ترین علاقہ میں دھماکہ ایک نہایت افسوسناک اور تشویشناک واقعہ ہے۔ ایک بچے سمیت ۳ افراد جاں بحق اور درجنوں افراد زخمی ہو گئے۔ اللّہ ان سب پر، انکے خاندانوں پر اور پاکستان پر رحم فرمائے 🤲🏼
— Maryam Nawaz Sharif (@MaryamNSharif) January 20, 2022
انہوں نے کہا کہ ایک بچے سمیت 3 افراد جاں بحق اور درجنوں افراد زخمی ہو گئے۔ اللّہ ان سب پر، انکے خاندانوں پر اور پاکستان پر رحم فرمائے۔
لاہور کے علاقے پان منڈی میں دھماکا ہوا ہے جس میں 3 افراد جاں بحق اور 23 سے زائد افراد زخمی ہوگئے ہیں۔ دھماکے سے متعدد عمارتوں کے شیشے ٹوٹ گئے ۔موٹرسائیکلوں بھی نقصان پہنچا۔
پولیس ذرائع کا کہنا ہے کہ پرائز بانڈ کی دکان کے باہر کھڑی موٹرسائیکل میں دھماکا ہوا ۔
