پتایا:سکواش کے میدان سے ایک اور اچھی خبر آ گئی ،پاکستان نے بھارت کو شکست دیکر ایشین جونیئر چیمپئن شپ جیت لی۔
تفصیلات کے مطابق پاکستان نے ایشین جونیئر سکواش چیمپئن شپ کے فائنل میں روایتی حریف بھارت کو دو صفر سے شکست دے دی ۔
قومی کھلاڑیوں نے شاندار کھیل کا مظاہرہ کرتے ہوئے روایتی حریف کو دو صفر سے شکست دی ،پہلے فائنل میں فرحان ہاشمی نے بھارت کے ویر چوہڑانی کیخلاف تین دو سے فتح سمیٹی جبکہ دوسرے فائنل میچ میں عباس زیب نے اتکرش بیہانی کیخلاف جارحانہ کھیل کا مظاہرہ کرتے ہوئے تین صفر سے کامیابی حاصل کی ۔ ایشین چیمپئن بننے پر قومی کھلاڑی سکواش کورٹ میں سجدہ ریز ہوئے اورکھلاڑیوں نے پاکستان زندہ باد کے نعرے لگائے ۔
فرحان ہاشمی کی بھارت کے ویر چوہڑانی کیخلاف 2-3سے فتح سمیٹی انہوں نے میچ 2-11, 9-11, 7-11, 11-5, 9-11سے جیتا ۔عباس زیب کی اتکرش بیہانی کیخلاف 0-3گیم سے فتح ،بھارتی پلیئر کو دوسرے فائنل میں 4-11, 2-11, 6-11سے شکست ۔
