واشنگٹن : امریکی صدر ڈونلڈ ٹرمپ نے اعلان کیا ہے کہ فارماسوٹیکل، گاڑیوں اور سیمی کنڈکٹرز چپس پر 25 فیصد یا اس سے زائد ٹیرف عائد کیا جائے گا۔ ان کا کہنا تھا کہ صنعتی ٹیرف ایک سال کے دوران بتدریج بڑھیں گے اور دنیا کی بڑی کمپنیاں جلد امریکا میں نئی سرمایہ کاری کرنے کا اعلان کریں گی۔
ٹرمپ نے یہ بھی کہا کہ ادویات اور چپس بنانے والی کمپنیاں امریکا میں فیکٹریاں لگانے کے لیے کچھ وقت حاصل کریں گی تاکہ وہ اس ٹیرف سے بچ سکیں۔ تاہم، انہوں نے یہ نہیں بتایا کہ فارماسوٹیکل اور سیمی کنڈکٹرز پر یہ ٹیکس کب لگایا جائے گا۔ ٹرمپ نے مزید کہا کہ ایلومینیم اور سٹیل پر 25 فیصد ٹیکس کا نفاذ 12 مارچ سے ہوگا۔
