راولپنڈی: عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ شہباز گل کے تشدد پر عمران خان کی ٹویٹ نے ساری دنیا میں حکمرانوں کی ناک کاٹ دی ہے۔ عوام اسلام آباد ریلی اور لیاقت باغ پہنچیں۔
تفصیلات کے مطابق شیخ رشید نے سماجی رابطوں کی ویب سائٹ ٹوئٹر پر جاری پیغام میں لکھا ’ پاکستان کی 75 سالہ تاریخ میں جو کچھ شہباز گل کے ساتھ ہوا اس کی مثال نہیں ملتی۔ شہباز گل کے تشدد پر عمران خان کی ٹویٹ نے ساری دنیا میں حکمرانوں کی ناک کاٹ دی ہے۔ ان کے اس احمقانہ قدم سے پاکستان کا تشخص تباہ ہو گیا ہے۔ عوام عمران خان کی کال پر شام کو اسلام آباد ریلی اور کل لیاقت باغ پہنچیں۔‘
پاکستان کی75سالہ تاریخ میں جو کچھ شہباز گل کے ساتھ ہوااس کی مثال نہیں ملتی۔شہباز گل کے تشددپرعمران خان کی ٹویٹ نے ساری دُنیا میں حکمرانوں کی ناک کاٹ دی ہے۔ان کے اس احمقانہ قدم سے پاکستان کا تشخص تباہ ہو گیا ہے۔عوام عمران خان کی کال پرشام کو اسلام آباد ریلی اور کل لیاقت باغ پہنچیں
— Sheikh Rashid Ahmed (@ShkhRasheed) August 20, 2022
ایک اور ٹویٹ میں ان کا کہنا تھا ’ملک میں 43 فیصد مہنگائی بڑھ گئی ہے۔ معاشی سلامتی اور قومی سلامتی کے بعد 4 ارب ڈالر کیلئے قومی اثاثے بھی داؤ پہ لگا دئیے ہیں۔ ملک خانہ جنگی کے دہانے پر پہنچ گیا ہے۔ آج 3 بجے لیاقت باغ میں پریس کانفرنس کروں گا، شام کو اسلام آباد ریلی میں شامل ہوں گے۔ کل لیاقت باغ میں عمران خان کا تاریخی جلسہ ہو گا۔‘
ملک میں43فیصد مہنگائی بڑھ گئی ہے۔معاشی سلامتی اور قومی سلامتی کے بعد4ارب ڈالر کے لیےقومی اثاثے بھی داؤ پہ لگا دیے ہیں۔ملک خانہ جنگی کے دہانے پر پہنچ گیاہے۔آج3بجے لیاقت باغ میں پریس کانفرنس کروں گا،شام کو اسلام آباد ریلی میں شامل ہونگے۔کل لیاقت باغ میں عمران خان کاتاریخی جلسہ ہوگا
— Sheikh Rashid Ahmed (@ShkhRasheed) August 20, 2022
