نیویارک : ٹیکنالوجی اور جدید ترقی نے کمال کردیا ہے ، اب سخت گرمی میں بھی اے سی کی ضرورت محسوس نہیں گی ۔ کیونکہ امریکی سائسندان نے ایسا سفید رنگ (پینٹ کلر )تیار کرلیا ہے جو سخت ترین گرمیوں میں بھی گھروں کو اچھے خاصے اے سی جتنی ٹھنڈک دیں گے ۔
غیر ملکی خبررساں ادارے ک مطابق انڈیانا میں بورڈ و یونیورسٹی کے انجینئرز نے سفید رنگ کا ایک ایسا پینٹ بنایا ہے جو سورج کی اٹھانوے فیصد روشنی کو معکس کرتا ہے اور انفرا ریڈ شعاعوں کو واپس کرتا ہے ۔
یہ سفید رنگ کا پینٹ دیواروں اور عمارتوں کو ٹھنڈا رکھنے میں اہم کردار ادا کرتا ہے اور دھوپ کی شدت کو کم کرتا ہے ، ایک سے دو برس میں یہ پینٹ بازار میں فروخت کے لیے پیش کردیاجائیگا۔
اس سفید پینٹ کے استعمال سے ائیرکنڈیشن ٹیکنالوجی کی ضرورت نہیں رہے گی ۔ انجیئنرز کے مطابق اس رنگ میں بیریم سلفیٹ نامی کیمیائی مرکب شامل ہے جو کہ حدت کو کم کرتا ہے جو گھر کو گرمی سے بچانے کے لیے زیادہ موزوں ہے ۔
پروفیسر ژائلن کے مطابق صرف ترانوے مربع میٹر پر یہ پینٹ کیا جائے تو دس کلوواٹ کے برابر ٹھنڈک پیدا کی جاسکتی ہے جو اچھے ائیر کندیشنر کے مقابلے میں کہیں زیادہ ہے ، ماہرین کے مطابق اس کا خاص میٹریل بیریم سلفیٹ ہے ۔
