ویسٹ انڈیز کے لیجنڈ بلے باز کرس گیل نے پاکستان جانے کا اعلان کردیا  

متفرق خبریں کھیل 
 
Legendary West Indies batsman Chris Gayle has announced to leave for Pakistan
کیپشن: فائل فوٹو

جمیکا: ویسٹ انڈیز کے مایہ ناز بلے باز کرس گیل نے نیوزی لینڈ کرکٹ ٹیم کے دورہ ختم کرنے کے بعد اعلان کیا ہے کہ وہ پاکستان جا رہے ہیں، کون ان کیساتھ چلے گا؟

خیال رہے کہ نیوزی لینڈ کرکٹ بورڈ نے پاکستان میں سیکیورٹی تھریٹ کا بہانہ بنا کر اپنی ٹیم کو واپس بلا لیا ہے۔ اس فیصلے سے ناصرف پاکستانی دل گرفتہ ہیں بلکہ دنیا بھر کے کرکٹ شائقین اس پر کڑی تنقید کر رہے ہیں۔ ان میں اب کیئربین کرکٹر کرس گیل بھی شامل ہو گئے ہیں۔

گرفتاریاں ہوں گی اگر قانون شکنی کی گئی:وزیراعلیٰ پنجاب مریم نواز کی پی ٹی آئی کو وارننگ

کرس گیل نے پاکستان جانے کا اعلان اپنی ٹویٹ میں کیا۔ پاکستانی فاسٹ بولر محمد عامر نے اس پر تبصرہ کرتے ہوئے کرس گیل کو لیجنڈ قرار دیتے ہوئے کہا کہ پھر آپ سے وہیں ملاقات ہوگی۔

اس سے قبل محمد عامر نے نیوزی لینڈ کرکٹ ٹیم کے فیصلے پر کڑی تنقید کرتے ہوئے کہا تھا کہ ہم پاکستانی دوسروں سے محبت کرنے والی قوم ہیں، ہو سکتا ہے کہ اس اقدام پر آپ کو معاف کر دیں لیکن یہ بات یقینی ہے کہ یہ فیصلہ آپ کو مستقبل میں کاٹے گا۔

پنجاب اسمبلی میں زرعی انکم ٹیکس بل 2024 کی منظوری، پیپلز پارٹی کی شدید مخالفت

قومی ٹیم کے آل راؤنڈر عماد وسیم نے اپنی ٹویٹ میں لکھا تھا کہ ہم اس سیریز کا 18 سال سے انتظار کر رہے تھے لیکن کھیل شروع ہونے سے چند لمحوں پہلے نیوزی لینڈ کرکٹ ٹیم کے دورہ منسوخ کرنے کے فیصلے نے میرا دل توڑ دیا ہے۔ انہوں نے ملک میں سیکیورٹی کی صورتحال پر مکمل اعتماد کا اظہار کرتے ہوئے کہا کہ پاکستان نے کرکٹ کی واپسی کیلئے انتھک کوششیں کی، ہم اسے جاری رکھیں گے، انشا اللہ۔

خواجہ آصف کی لندن پولیس میں چاقو سے قتل کی دھمکی کی رپورٹ درج

قومی کرکٹر اظہر علی نے اپنی ٹویٹ میں لکھا کہ پاک نیوزی لینڈ سیریز کی منسوخی نے میرا دل توڑ دیا۔ ہم اپنے وطن کی سیکیورٹی ایجنسز اور فورسز پر مکمل اعتماد کرتے ہیں، قومی ادارے ہمارا فخر ہے۔

سابق کپتان سرفراز احمد نے اس معاملے پر اپنے جذبات کا اظہار ایک خوبصورت شعر سے کیا۔ ان کا کہنا تھا کہ یہ مشکل گھڑی ہے لیکن ہمارا عزم ان مشکلات سے بہت بڑا ہے۔

چیمپئنز ٹرافی کی  ٹرافی ٹور دبئی سے اسلام آباد منتقل، 16 نومبر سے آغاز