ممبئی:بالی ووڈ اداکارہ نیہا دھوپیا اور اداکار انگت بیدی کے گھر بیٹی کی پیدائش ہوئی ہے، جس کا اعلان ان کی قریبی دوست اداکارہ سوفی چوہدری نے سوشل میڈیا پر کیا۔سوفی چوہدری نے مداحوں کو بتایا کہ نیہا دھوپیا اور انگت بیدی کے ہاں بیٹی کی پیدائش ہوئی ہے۔
اس دوران انہوں نے بالی ووڈ کی اس جوڑی کو مبارکباد بھی دی۔سوفی نے اپنے پیغام کے ساتھ نیہا اور انگت کی ایک ویڈیو بھی شیئرکی ۔یاد رہے کہ نیہا دھوپیا اور انگت بیدی نے رواں سال مئی میں خفیہ شادی کی تھی۔
ان کی شادی کے دوران صرف خاندان کے قریبی افراد اور دوست شامل تھے۔دونوں اداکاروں نے اپنی شادی کا اعلان سوشل میڈیا پر تصاویر پوسٹ کرنے کے ساتھ کیا تھا جبکہ دونوں نے ایک دوسرے کو اپنا بہترین دوست بھی قرار دیا۔
Yaayy it’s a girl???????????? Congrats my dearest @nehadhupia & @angadbedi on the birth of ur princess!!May she be blessed with good health & happiness always! And with u two as her parents, I know her life will be full of love & laughs! Here’s to a truly special chapter in ur lives!???????? pic.twitter.com/Hq28fEWDWU
— Sophie Choudry (@Sophie_Choudry) November 18, 2018
شادی کے چند ماہ بعد ہی اداکارہ نے اعلان کیا تھا کہ وہ ماں بننے والی ہیں اور ان کے گھر پہلی اولاد کی پیدائش جلدمتوقع ہے۔
جس کے بعد حال ہی میں خود انگت بیدی نے اپنے ایک انٹرویو میں اس بات کا انکشاف کیا تھا کہ انہوں نے اور نیہا سے جلد اور خفیہ شادی اس لیے ہی کی تھی کیوں کہ اداکارہ ماں بننے والی تھیں اور اب شادی کے چھ ماہ بعد ہی اداکارہ ماں بن گئی ہیں۔
