اسلام آباد:افغانستان میں بے دردی سے نامعلوم افراد کی جانب سے شہید کئے جانے والے ایس پی طاہر داوڑ کی بیٹی سمجھ کر وزیرمملکت برائے داخلہ شہریار آفریدی نے غلط ٹوئٹ کردی۔
تفصیلات کے مطابق سوشل میڈیا پر پولیس یونیفارم میں ایک بچی کی تصویر تیزی سے وائرل ہورہی ہے جس کے بارے میں کہا جارہا ہے کہ وہ شہید ایس پی طاہر داوڑ کی باہمت بیٹی ہے تاہم وہ شہید داوڑ کی بیٹی نہیں ہے۔
شہریار آفریدی نے بھی تصدیق کیے گئے سماجی رابطے کی سائٹ ٹوئٹر پر وہی تصویر شیئر کردی۔اپنے بیان میں شہریار آفریدی نے کہا کہ وہ شہید ایس پی طاہر داوڑ کی صاحبزادی فاطمہ کی ہمت کی تعریف کرتے ہیں۔
I appreciate the courage of Fatima, daughter of Shaheed SP Tahir Dawar. I reiterate that we are working day&night to unearth the elements behind Shaheed Tahir’s murder. We need support of this family and of the people of Pakistan. Soon, we will reach the culprits IA. Need Prayers pic.twitter.com/qaj9rkBp6G
— Shehryar Afridi (@ShehryarAfridi1) November 18, 2018
وزیر مملکت نے شہید ایس پی طاہر داوڑ کی تصویر کے ساتھ پولیس یونیفارم میں جس بچی کی تصویر شیئر کی وہ ہری پور پولیس کے ایک افسر کی بیٹی ہے، اس کی تصحیح ایک پولیس افسر نے شہریار آفریدی کی ٹوئٹ کے جواب میں بھی کی۔
خیال رہے کہ شہید ایس پی طاہر داوڑ کو 26 اکتوبر کو اسلام آباد سے اغوا کیا گیا جس کے بعد ان کی لاش افغانستان سے برآمد ہوئی تھی۔
