خیبر: پاکستان اور افغانستان کے درمیان طورخم تجارتی گزرگاہ 25 دن بعد کھول دی گئی ہے۔ سیکورٹی ذرائع کے مطابق، طورخم سرحد کے افغان کسٹم ہاؤس میں دونوں ممالک کے سیکورٹی حکام کی فلیگ میٹنگ ہوئی، جس میں دو روز قبل پاک افغان مشترکہ جرگہ کے فیصلوں کی توثیق کی گئی۔
سکیورٹی ذرائع نے بتایا کہ میٹنگ کے فیصلے کے مطابق، طورخم تجارتی گزرگاہ کو آج سے تجارتی سرگرمیوں کے لیے کھول دیا گیا ہے، جس کے بعد پاکستانی کارگو گاڑیاں افغانستان میں داخل ہوئیں اور افغان مال بردار گاڑیاں پاکستان میں آئیں۔
اس میٹنگ میں یہ بھی فیصلہ کیا گیا کہ افغان مریضوں کو آج سے پاکستان آمدورفت کی اجازت دی جائے گی، اور طورخم سرحد پیدل آمدورفت کے لیے دو دن بعد کھول دی جائے گی۔
