اسلام آباد: پاکستان میں شوال کا چاند دیکھنے کے لیے مرکزی رویت ہلال کمیٹی اور زونل کمیٹیوں کے اجلاس 30 مارچ (اتوار) کو طلب کر لیے گئے ہیں۔
ذرائع کے مطابق مرکزی رویت ہلال کمیٹی کا اجلاس وزارت مذہبی امور اور بین المذاہب ہم آہنگی میں منعقد ہوگا، جہاں شوال کا چاند دیکھنے کے لیے ملک بھر سے شہادتیں بھی وصول کی جائیں گی۔
اجلاس میں مذہبی سکالرز، ماہرین موسمیات اور دیگر متعلقہ افراد بھی شریک ہوں گے۔ چاند نظر آنے یا نہ آنے کی صورت میں پاکستان میں عید الفطر منانے کی تاریخ کا اعلان کیا جائے گا۔ یاد رہے کہ رمضان المبارک کا چاند دیکھنے کے لیے مرکزی رویت ہلال کمیٹی کا اجلاس 28 فروری کو پشاور میں منعقد ہوا تھا۔