کراچی : پاکستان سٹاک ایکسچینج میں مثبت رجحان دیکھنے کو ملا ہے، جس کے نتیجے میں 100 انڈیکس ایک لاکھ 17 ہزار کی حد پر بحال ہو گیا ہے۔
کاروباری ہفتے کے تیسرے روز سٹاک ایکسچینج میں کاروبار کا آغاز اچھا رہا، اور 100 انڈیکس 364 پوائنٹس کے اضافے کے بعد ایک لاکھ 17 ہزار 365 پوائنٹس تک پہنچ گیا۔ گزشتہ روز کاروبار کے اختتام پر انڈیکس 801 پوائنٹس کے اضافے کے ساتھ ایک لاکھ 17 ہزار 1 پوائنٹس پر بند ہوا تھا۔ دوسری جانب، ڈالر کی قیمت میں بھی معمولی کمی دیکھنے کو ملی ہے۔ ایکسچینج کمپنیز ایسوسی ایشن کے مطابق، انٹربینک میں ڈالر 7 پیسے سستا ہو کر 280 روپے 20 پیسے کا ہو گیا ہے۔