اسلام آباد: عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ ایک مہینے میں درآمدگی بل 100 فیصد بڑھ گیا ہے اور عنقریب بجلی میں اضافے کا تیسرا کرنٹ بھی لگے گا۔
تفصیلات کے مطابق سماجی رابطوں کی ویب سائٹ ٹوئٹر پر جاری پیغام میں شیخ رشید احمد نے لکھا ’ایک مہینے میں درآمدگی بل 100 فیصد بڑھ گیا ہے، سات بلین ڈالرز کے ریزرو، 1 بلین کی ترسیلات اور پانچ سو ملین ایکسپورٹ کم ہو گئی ہے۔ ڈالر 210 روپے کا ہو گیا ہے۔ LNG مہنگی خریدی ہے۔ IMF کے معاہدے کے لئے امریکہ کے پاؤں پڑ رہے ہیں۔ ووٹ کو عزت دو کا نعرہ اب نواز شریف کی واپسی کا منتظر ہے۔‘
ایک مہینے میں درآمدگی بل سو فیصد بڑھ گیا ہے.سات بلین ڈالرز کے ریزرو،1 بلین کی ترسیلات اور پانچ سو ملین ایکسپورٹ کم ہوگئی ہے۔ڈالر 210 روپے کا ہو گیا ہے۔LNG مہنگی خریدی ہے۔IMF کے معاہدے کے لیے امریکہ کے پاؤں پڑ رہے ہیں۔ووٹ کو عزت دو کا نعرہ اب نواز شریف کی واپسی کا منتظر ہے۔
— Sheikh Rashid Ahmed (@ShkhRasheed) June 19, 2022
سابق وزیر داخلہ نے ایک اور ٹویٹ میں لکھا ’امپورٹڈ حکومت مفاد پرستوں کا دوسرا نام ہے۔ انہیں صرف اپنے کیسز کے ختم کرانے کی فکر ہے۔ غریبوں کی نہیں۔ خدا خیر کرے اب آصف زرداری نے پیپلز پارٹی کی کمان سنبھال لی ہے۔ عنقریب بجلی میں اضافے کا تیسرا کرنٹ لگے گا۔ ملک کی فارن ترسیلات، فارن ریزرو اور روپے کی گراوٹ کی کمی کی انہیں کوئی فکر نہیں۔‘
امپورٹڈ حکومت مفاد پرستوں کا دوسرا نام ہے۔انہیں صرف اپنے کیسز کے ختم کرانے کی فکر ہے غریبوں کی نہی۔خدا خیر کرے اب آصف زرداری نے پیپلزپارٹی کی کمان سنبھال لی ہے عنقریب بجلی میں اضافے کا تیسرا کرنٹ لگے گا۔ملک کی فارن ترسیلات،فارن ریزرو اور روپے کی گراوٹ کی کمی کی انہیں کوئی فکر نہی
— Sheikh Rashid Ahmed (@ShkhRasheed) June 19, 2022
ایک اور ٹویٹ میں ان کا کہنا تھا ’پنجاب کے ایک صوبے میں 2 اسمبلیوں کے اجلاس ہو رہے ہیں۔ پنجاب میں 20 منحرف اراکین کا الیکشن 1 ووٹ کی اکثریتی حکومت کا فیصلہ کرے گی۔ حالات جتنے تیزی سے خراب ہو رہے ہیں اس پر سپریم کورٹ کو سوموٹو لینا چاہئے۔ میں آج شام 9 بجے لال حویلی سے اندرونی اور بیرونی سازشوں پر تفصیلی بات کروں گا۔
پنجاب کے ایک صوبے میں 2 اسمبلیوں کے اجلاس ہورہے ہیں۔پنجاب میں 20 منحرف اراکین کا الیکشن 1 ووٹ کی اکثریتی حکومت کا فیصلہ کرے گی۔حالات جتنے تیزی سے خراب ہورہے ہیں اس پر سپریم کورٹ کو سوموٹو لینا چاہیے، میں آج شام 9 بجے لال حویلی سے اندرونی اور بیرونی سازشوں پر تفصیلی بات کروں گا.
— Sheikh Rashid Ahmed (@ShkhRasheed) June 19, 2022
