اسلام آباد: وزیراعظم شہباز شریف کی جانب سے الیکشن کمیشن آف پاکستان (ای سی پی) سے پاکستان تحریک انصاف (پی ٹی آئی) ممنوعہ فنڈنگ کیس کا فیصلہ جلد سنانے کا مطالبہ کرتے ہوئے کہا ہے کہ ریاستی اداروں پر شرمناک حملوں کے باوجود عمران نیازی کو چھوٹ دی جا رہی ہے۔
تفصیلات کے مطابق وزیر اعظم شہباز شریف کی جانب سے سماجی رابطوں کی ویب سائٹ ٹوئٹر پر جاری بیان میں پر الیکشن کمیشن آف پاکستان (ای سی پی) سے درخواست کی گئی ہے کہ پاکستان تحریک انصاف (پی ٹی آئی) ممنوعہ فنڈنگ کیس پر طویل التواءکا فیصلہ جلد سنایا جائے۔
وزیراعظم کا کہنا تھا کہ ریاستی اداروں پر بار بار اور شرمناک حملوں کے باوجود عمران نیازی کو طویل عرصے سے چھوٹ دی جا رہی ہے، عمران خان کو دئیے جانے والے استثنیٰ سے ملک کو نقصان پہنچا ہے۔
I urge the Election Commission of Pakistan to announce long-delayed judgment on PTI foreign funding case. For long has Imran Niazi been given a free pass despite his repeated & shameless attacks on state institutions. Impunity given to him has hurt the country.
— Shehbaz Sharif (@CMShehbaz) July 19, 2022
واضح رہے کہ پی ٹی آئی ممنوعہ فنڈنگ کیس کی سماعت چیف الیکشن کمشنر سکندر سلطان راجہ کی سربراہی میں 3 رکنی بینچ نے کی تھی اور گزشتہ ماہ 21 جون کو کیس پر فیصلہ محفوظ کیا گیا تھا۔
یاد رہے کہ 2014ءمیں پی ٹی آئی ممنوعہ فنڈنگ کیس شروع ہوا تھا اور الیکشن کمیشن نے اس کیس کا فیصلہ محفوظ کرتے ہوئے یہ نہیں بتایا تھا کہ یہ کب سنایا جائے گا۔
