اسلام آباد:فیٹف کے معاملے پر بھارتی وزیر خارجہ جے شنکر کے بیان پر وفاقی وزیر حماد اظہر کا رد عمل سامنے آگیا،وفاقی وزیر نے کہا بھارتی وزیر خارجہ کا بیان پاکستان کے مؤقف کی تصدیق ہے ۔
The statement of Indian External Affairs minister only confirms what Pakistan has been saying all along; India actively politicises & undermines the technical processes & spirit of FATF.
— Hammad Azhar (@Hammad_Azhar) July 19, 2021
Our progress is nevertheless undeniable & we shall soon be completing both our action plans.
وفاقی وزیر پٹرولیم توانا ئی حماد اظہر نے فیٹف میں بھارتی سیاسی کردار پر بات کرتے ہوئے کہا کہ انڈیا ایف اے ٹی ایف کے تکنیکی معاملے کو سیاسی بنا کر خراب کر رہا ہے ،پاکستان کی کوششوں سے کوئی انکار نہیں کر سکتا ،پاکستان نے پہلے دن سے ایف اے ٹی ایف کی تمام شرائط پر بھرپور کام کیا اور انتہائی قلیل وقت میں پاکستان کے تمام اداروں نے بہترین کام کیا ۔
حماداظہر کا کہنا تھا جہاں پاکستان نے ایف اے ٹی ایف کی باقی شرائط پر عملدرآمد کیا وہیں بقیہ رہ جانے والے دونوں ایکشن پلان پاکستان بہت جلد عملدر آمد کر لے گا ۔
اس سے قبل ترجمان دفتر خارجہ نے کہا تھا کہ بھارتی وزیر خارجہ کے بیان سے بھارت کی اصل حقیقت دنیا کے سامنے آگئی ہے ۔ بھارتی وزیر خارجہ نے پاکستان کے خلاف ایف اے ٹی ایف معاملہ سیاسی بنانے کا اعتراف دنیا کے سامنے کیا ہے ۔ بیان نےایف اےٹی ایف میں پاکستان مخالف منفی کردار پر پاکستان کے دیرینہ موقف کی تائید بھی کی ہے۔
واضح رہے بھارتی میڈیا رپورٹ کے مطابق وزیر خارجہ جے شنکر نے بی جی پی رہنماؤں کے سامنے اعتراف کیا کہ بھارت کی کوشش سے پاکستان فیٹف کی گرے لسٹ میں رہا، ہماری ہی کوششوں سے پاکستان فیٹف کے ریڈار پر آیا۔
