پورٹ لینڈ: ایک سٹور کے باس نے سخت سردی کے باعث اپنے ہر ملازم کو پک اینڈ ڈراپ دینا شروع کر دیا تاکہ کوئی برفانی طوفان کے دوران بیمار نہ ہو اور نا انہیں اپنا سٹور بند کرنا پڑے۔
غیر ملکی میڈیا کے مطابق پورٹ لینڈ، اوریگون میں ایک باس، سوشل میڈیا پر وائرل ہو گیا جب ان کے ایک ملازم نے ایک ویڈیو بنائی جس میں دکھایا گیا کہ ان کا باس اس بات کو یقینی بنانے کے لیے آنہیں گھر سے لینے آیا کہ ان کے ملازمین برفانی طوفان کے دوران بیمار نہ ہوں۔
سوشل میڈیا پلیٹ فارم ٹک ٹاک پر ایک ملازم نے یہ ویڈیو شیئر کی جس میں انہوں نے بتایا کہ وہ صرف صبح گھر سے لینے نہیں آتے بلکہ سٹور بند کرنے کے وقت واپسی پر گھر چھوڑتے بھی ہیں۔
@pixieamirraa And i was hoping he would just let the store be closed for the day
♬ original sound - ice spice
ملازم کا کہنا تھا کہ مجھے لگا تھا کہ وہ اس برفانی طوفان کے دوران اپنا سٹور بند کر دیں گے لیکن سٹور بند نہ کرنے کیلئےانہوں نے ہمیں پک اینڈ ڈراپ دینا شروع کر دیا۔
واضح رہے کہ ورٹ لینڈ کے کچھ حصوں میں گزشتہ ہفتے کے آخر میں 5 انچ تک برف پڑ ی، اور درجہ حرارت انجماد سے نیچے رہا۔ سرد درجہ حرارت، برف باری اور منجمد بارش نے گزشتہ ہفتے اوریگون کے تقریباً ہر حصے کو متاثر کیا، جس سےسفر ی اور تجارتی ذرائع متاثر ہوئے۔
