کراچی: سٹیٹ بینک آف پاکستان (ایس بی پی) نے ملکی زرمبادلہ کے ذخائر کے اعداد و شمار جاری کر دئیے ہیں جن کے مطابق نئے سال کے دوسرے ہفتے میں پہلی بار ذخائر میں اضافہ ریکارڈ کیا گیا ہے۔
تفصیلات کے مطابق سٹیٹ بینک آف پاکستان کی جانب سے جاری بیان میں بتایا گیا ہے کہ درآمدات روکنے سے زرمبادلہ ذخائر کی گراوٹ رکی ہے اور 13 جنوری تک ملکی زرمبادلہ کے ذخائر 10 ارب 44 کروڑ ڈالر رہے۔
سٹیٹ بینک کے مطابق جنوری کے دوسرے ہفتے میں زرمبادلہ کے ذخائر میں 25 کروڑ 58 لاکھ ڈالر کا اضافہ دیکھنے میں آیا اور اس وقت مرکزی بینک کے ذخائر 25 کروڑ 80 لاکھ ڈالر اضافے سے 4.60 ارب ڈالر ہیں۔
مرکزی بینک کی جانب سے جاری کئے گئے اعداد و شمار کے مطابق 13 جنوری تک کمرشل بینکوں میں ذرمبادلہ کے ذخائر 22 لاکھ ڈالر کم ہو کر 5.84 ارب ڈالر رہے۔