گلگت: گلگت، ہنزہ اورسکردو میں زلزلےکے شدید جھٹکے محسوس کیےگئے ہیں۔ گلگت بلتستان کے علاقوں غذر ، دیامر، گانچھے اور کھرمنگ میں بھی زلزلےکےجھٹکے محسوس کیے گئے ہیں۔
زلزلےکے بعد لوگ خوفزدہ ہو کر کلمہ طیبہ پڑھتے ہوئےگھروں سے باہر نکل آئے۔ زلزلہ پیما مرکز کے مطابق زلزلےکی شدت 5.2 ریکارڈ کی گئی، اس کی گہرائی 25 کلومیٹر اور مرکز گلگت سے 45 کلومیٹر جنوب مشرق تھا۔
زلزلےکے باعث فوری طور پر کسی جانی نقصان کی اطلاع نہیں ملی ہے۔تاہم بعض علاقوں میں بجلی بھی معطل ہوگئی ہے۔
