لاہور: قومی کرکٹ ٹیم کے مایہ ناز سابق کپتان اور پاکستان سپر لیگ (پی ایس ایل) 7 میں کوئٹہ گلیڈی ایٹرز کی نمائندگی کرنے والے شاہد خان آفریدی نے بھی جیمز فالکنر کے الزامات پر ردعمل دیا ہے۔
تفصیلات کے مطابق شاہد خان آفریدی نے سماجی رابطوں کی ویب سائٹ ٹوئٹر پر جاری پیغام میں لکھا ’جیمز فالکنر کے الزامات پر شدید مایوسی ہوئی اور انہوں نے بے بنیاد الزامات سے پاکستان کی میزبانی اور انتظامات پر سوال اٹھایا۔ ہم سب کیساتھ بہت عزت و احترام کا رویہ اختیار کیا گیا اور کبھی بھی ادائیگیوں کا کوئی مسئلہ نہیں ہوا۔ کسی کو بھی پاکستان، پاکستان کرکٹ اور پی ایس ایل کوداغدار کرنے کی اجازت نہیں ہونی چاہئے۔‘
Disappointed with @JamesFaulkner44 comments who reciprocated Pakistan's hospitality&arrangements by levelling baseless allegations.We al have been treated with respect &never ever our payments have been delayed. No one should be allowed to taint ????????, ????????cricket & the #HBLPSL brand.
— Shahid Afridi (@SAfridiOfficial) February 19, 2022
واضح رہے کہ پی ایس ایل کے رواں سیزن میں کوئٹہ گلیڈی ایٹرز کی نمائندگی کرنے والے جیمز فالکنر معاہدے کے مطابق ادائیگیاں نہ کئے جانے کے الزامات عائد کرتے ہوئے لیگ سے دستبردار ہو گئے ہیں تاہم پی سی بی نے ان الزامات کو بے بنیاد قرار دیتے ہوئے انہیں آئندہ پی ایس ایل میں نہ کھلانے کا اعلان کیا ہے۔
