لاہور: پاکستان سپر لیگ (پی ایس ایل) 7 میں کوئٹہ گلیڈی ایٹرز کی نمائندگی کرنے والے آسٹریلین آل راﺅنڈر جیمز فالکنر نے معاہدے کی خلاف ورزی کا الزام عائد کرتے ہوئے لیگ کے بقیہ میچز میں شرکت سے انکار کر دیا ہے۔
تفصیلات کے مطابق جیمز فالکنر نے سماجی رابطوں کی ویب سائٹ ٹوئٹر پر جاری پیغام میں لکھا ’میں پاکستانی مداحوں سے معذرت کرتا ہوں۔ لیکن بدقسمتی سے پاکستان کرکٹ بورڈ (پی سی بی) کی جانب سے معاہدے پر عملدرآمد نہ کرنے کے باعث لیگ کے بقیہ 2 میچز نہیں کھیل سکتا۔ میں تمام وقت پاکستان میں رہا اور مجھ سے مسلسل جھوٹ بولا گیا۔‘
1/2
— James Faulkner (@JamesFaulkner44) February 19, 2022
I apologise to the Pakistan cricket fans.
But unfortunately I’ve had to withdraw from the last 2 matches and leave the @thePSLt20 due to the @TheRealPCB not honouring my contractual agreement/payments.
I’ve been here the whole duration and they have continued to lie to me.
ایک اور ٹویٹ میں ان کا کہنا تھا ’یوں لیگ چھوڑنا تکلیف دہ ہے کیونکہ میں پاکستان میں بین الاقوامی کرکٹ کی واپسی میں اپنا کردار ادا کرنا چاہتا ہوں۔ پاکستان میں بے پناہ نوجوان ٹیلنٹ ہے اور مداح بھی بہترین ہیں۔ لیکن پی سی بی اور پی ایس ایل انتظامیہ نے میرے ساتھ جو سلوک روا رکھا وہ شرمناک ہے۔‘
2/2
— James Faulkner (@JamesFaulkner44) February 19, 2022
It hurts to leave as I wanted to help to get international cricket back in Pakistan as there is so much young talent and the fans are amazing.
But the treatment I have received has been a disgrace from the @TheRealPCB and @thePSLt20
I’m sure you all understand my position.
جیمز فالکنر کی جانب سے ان الزامات کے بعد شائقین کرکٹ میں بھی بے چینی پھیل گئی ہے اور اب تمام نظریں پاکستان کرکٹ بورڈ (پی سی بی) کی جانب ہیں کہ وہ جیمز فالکنر کے الزاما پر کیا کہے گا۔
یہاں یہ امر بھی قابل ذکر ہے کہ اس سے قبل کسی بھی غیر ملکی کھلاڑی نے اس طرح کے کوئی الزامات عائد نہیں کئے بلکہ وہ تو لیگ میں کرکٹ کے اعلیٰ معیار کی بدولت اسے دنیا کی ٹاپ لیگز میں شامل کرتے ہیں۔
