اسلام آباد: اکثر لوگ جب سو کر اٹھتے ہیں تو ان کے جسم میں سوجن آجاتی ہے۔ کبھی پاؤں سوجن سے متاثر ہوتے ہیں یا پھر کبھی چہرہ پھولا ہوا ہوتا ہے۔
لیکن جسم میں سوجن آنے کے پیچھے آخر وجہ کیا ہے؟ اکثر پانی کی کمی اور جسم میں خون کی کمی کی وجہ سے جسم میں سوجن آنے لگتی ہے۔
کچھ کھانے بھی ایسے ہوتے ہیں جو جسم میں سوجن کا سبب بن جاتے ہیں۔ لیکن اس کے برعکس کچھ کھانے ایسے بھی ہیں جن سے جسم کی سوجن کوسوں دور چلی جاتی ہے۔
ذیل میں ان ہی پھلوں کا ذکر کیا جارہا ہے جو جسم میں سے سوجن دور کرنے میں اہم کردار ادا کرتے ہیں۔
٭سیب
دن میں 2 سے 4 سیب کھانے سے جسم میں موجود تمام سوجن ختم ہوجاتی ہے۔ اس کے علاوہ اس سے نظام ہاضمہ بھی بہتر ہوتا ہے اور آپ مختلف بیماریوں سے بچے رہتے ہیں۔
٭ ہرا دھنیا
ہرے دھینے کے استعمال سے سوجن فوراً ختم ہوجاتی ہے۔ اس میں کیلوریز کم اور پروٹین زیادہ ہوتا ہے۔ یہ وزن کم کرنے میں بھی بہت کارآمد ثابت ہوسکتا ہے۔
٭ بیریز
چیری اور اسٹرابیری پوٹاشیم اور میگنیشیم سے مالامال ہوتی ہیں جس سے جسم میں اضافی سیال پیدا ہوتا ہے۔ ان کو کھانے سے جسم کی سوجن بھی کم ہوتی ہے۔
٭ کھیرے
معمولی سمجھی جانے والی سبزی آپ کے لئے بےحد فائدہ مند ہے۔ خالی پیٹ کھیرے کا جوس پینے سے جسم کی سوجن میں واضح کمی آتی ہے۔ اس کے علاوہ اس سے آپ کی جلد بھی تروتازہ ہوتی ہے۔
٭ تربوز
تربوز یقیناً ہر کسی کا پسندیدہ پھل ہے۔ یہ وٹامنز سے مالامال ہوتا ہے اور جسم میں موجود زہریلے مادہ کو ختم کرتا ہے اور ساتھ سوجن کو بھی کم کرتا ہے۔
٭ بیگن
بیگن لوگوں کو کچھ خاص پسند نہیں ہوتا لیکن یہ سوجن کے خلاف لڑنے میں بہت مدد دیتا ہے۔
٭ شملہ مرچ
بیل پیپرز لذیذ ہونے کے ساتھ پوٹاشیم سے مالامال بھی ہوتے ہیں۔ لال شملہ مرچ آپ کی صحت کے لئے بے حد مفید سمجھی جاتی ہے۔ سوجن سے نجات کے لئے اگر شملہ مرچ کو کچا کھایا جائے تو بہت فائدہ حاصل ہوتا ہے۔
نوٹ: یہ مضمون محض عام معلومات کے لئے ہے، اس پر عمل کرنے سے قبل اپنے معالج سے ضرور مشورہ کرلیں
