کیپ ٹاؤن : پاکستان اور جنوبی افریقہ کے درمیان تین میچوں کی سیریز کا دوسرا ایک روزہ میچ آج کیپ ٹاؤن میں کھیلا جائے گا۔ سیریز میں پاکستان کو ایک صفر کی برتری حاصل ہے، اور پاکستانی کھلاڑیوں نے گزشتہ روز پریکٹس کے بجائے آرام کیا۔
پاکستانی ٹیم آج کا میچ جیت کر مسلسل تیسری ون ڈے سیریز اپنے نام کر سکتی ہے، کیونکہ اس سے قبل وہ آسٹریلیا اور زمبابوے کے خلاف بھی ون ڈے سیریز جیت چکی ہے۔ دوسرا ایک روزہ میچ پاکستانی وقت کے مطابق شام پانچ بجے شروع ہوگا۔