لزبن: عالمی شہرت یافتہ فٹ بالر کرسٹیانو رونالڈو کے جڑواں بچوں میں سے بیٹا انتقال کر گیا۔
سماجی رابطے کی ویب سائٹ ٹوئٹر پر کرسٹیانو رونالڈو نے اپنے بیٹے کے انتقال کی افسوسناک خبر دی۔ انہوں نے افسردگی کا اظہار کرتے ہوئے لکھا کہ ’ انتہائی غمزدہ حالت میں ہم یہ اعلان کر رہے ہیں کہ ہمارا نومولود بیٹا انتقال کر گیا ہے، کسی بھی والدین کیلئے اس دردناک عمل سے گزرنا شدید کرب کا باعث ہے‘ انہوں نے مزید لکھا کہ ’ صرف بیٹی کی ولادت نے ہمیں ہمت دی کہ ہم اس کٹھن لمحے میں امید اور خوشی محسوس کر سکیں‘ انہوں نے ڈاکٹرز اور دیگر عملے کا بھرپور تعاون پر شکریہ ادا کیا اور مداحوں سے اپیل کی کہ وہ غم کی اس مشکل گھڑی میں ان کی پرائیویسی کا خیال کریں۔
— Cristiano Ronaldo (@Cristiano) April 18, 2022
واضح رہے کہ سٹار فٹبالر کرسٹیانو رونالڈو کے ہاں جڑواں بچوں کی پیدائش ہوئی تھی، تاہم ان کا بیٹا چل بسا۔
