واشنگٹن :امریکی لڑاکا طیارے کی حادثے کے بعد تلاش جاری ہے ۔ تاہم پائلٹ بچ گیا ہے اور اس کی حالت خطرے سے باہر ہے۔جنوبی کیرولینا میں دوران پرواز فائٹر طیارہ ایف35 گذشتہ روز حادثے کاشکار ہوگیا تھا اس کا پائلٹ بچ گیا ، ا ب اس کی حالت خطرے سے باہر بتائی جارہی ہے تاہم ا س کانام صیغہ راز میں رکھاجارہا ہے۔
ملٹری انتظامیہ نے اس کے لیے مقامی لوگوں کی مدد مانگی ہے تاکہ اس جہاز کا پتہ لگایاجاسکے کہ اس کا کیا ہوا ہے۔ ایف35 کی مالیت لگ بھگ 80 ملین ڈالر بتائی جارہی ہے۔
امریکی حکام کا کہنا ہے کہ وہ ریاست جنوبی کیرولینا کی دو جھیلوں میں جہاز کو تلاش کررہے ہیں اوراسی وجہ سے مقامی لوگوں کی مدد بھی حاصل کی گئی ہے۔ بیس کے حکام نے کہا کہ وہ چارلسٹن شہر کے شمال میں دو جھیلوں کے ارد گرد وفاقی ہوا بازی کے ریگولیٹرز کے ساتھ مل کر تلاش کر رہے ہیں۔
علاقے میں موسم بہتر ہونے کے بعد جنوبی کیرولینا کے قانون نافذ کرنے والے ڈویژن کا ایک ہیلی کاپٹر بھی تلاش میں شامل ہو گیا ہے۔
