شمالی وزیرستان کےعلاقے اسپن وام میں دہشتگردوں نے سکیورٹی فورسز کی پوسٹ پر فائرنگ کر دی جس سے 25 سالہ سپاہی سیف اللہ شہید ہو گئے ۔
آئی ایس پی آر کے مطابق اسپین وام میں سکیورٹی فورسز کی پوسٹ پر دہشتگردوں نے بزدلانہ وار کرتے ہوئے ایک سپاہی کو شہید کر دیا ،سکیورٹی فورسز کے جوانوں نے فوری ردعمل دیتے ہوئے دہشتگردوں پر جوابی فائرنگ کی ۔
واضح رہے شمالی وزیر ستان کے مختلف علاقوں میں ممکنہ دہشتگردوں کے ٹھکانوں کیلئے اس وقت کلیئرنس آپریشن جاری ہے ۔
