لاہور: پی سی بی نے عاقب جاوید کو عبوری طور پر وائٹ بال کا ہیڈ کوچ مقرر کرنے کا فیصلہ کیا ہے۔
پی سی بی کی جانب سے جاری اعلامیے میں کہا گیا کہ عاقب جاوید کو چیمپئنز ٹرافی 2025 تک وائٹ بال کرکٹ کے ہیڈ کوچ کے طور پر ذمہ داری سونپی گئی ہے۔ اس دوران پی سی بی مستقل ہیڈ کوچ کی تعیناتی کا عمل بھی شروع کر دے گا، جو چیمپئنز ٹرافی کے اختتام تک مکمل کر لیا جائے گا۔
چیمپئنز ٹرافی کے بعد عاقب جاوید کو پاکستان کرکٹ بورڈ میں سلیکشن کمیٹی کے ممبر کی حیثیت سے اضافی ذمہ داریاں بھی دی جائیں گی۔
یاد رہے کہ کرکٹ ٹیم کے سابق وائٹ بال کوچ گیری کرسٹن نے گزشتہ ماہ اپنے عہدے سے استعفیٰ دے دیا تھا۔
