غزہ : اسرائیلی فوج کے غزہ میں وحشیانہ حملے جاری ہیں، اور گزشتہ 24 گھنٹوں کے دوران اسرائیلی بمباری میں مزید 47 فلسطینی شہید ہوگئے ہیں۔
فلسطینی وزارت صحت کے مطابق، غزہ میں جاری اسرائیلی حملوں کے نتیجے میں گزشتہ برس اکتوبر سے اب تک فلسطینی شہداء کی تعداد 43,846 تک پہنچ چکی ہے۔
فلسطینی وزارت صحت نے مزید بتایا کہ اسرائیلی حملوں میں اب تک ایک لاکھ 3 ہزار سے زائد فلسطینی زخمی ہوئے ہیں، جن میں کئی افراد کی حالت نازک بتائی جارہی ہے۔ عالمی برادری کی جانب سے غزہ میں انسانی بحران کو ختم کرنے کے لیے کوششیں کی جا رہی ہیں، مگر اسرائیل کی بمباری کا سلسلہ رکنے کا نام نہیں لے رہا۔