ہوبارٹ : پاکستان اور آسٹریلیا کے درمیان تین میچوں کی ٹی ٹوئنٹی سیریز کا تیسرا اور آخری میچ آج ہوبارٹ میں کھیلا جائے گا۔
آسٹریلیا کو سیریز میں 2-0 کی فیصلہ کن برتری حاصل ہے اور پاکستان کو وائٹ واش سے بچنے کے لئے یہ میچ جیتنا ضروری ہے۔میچ آج دن ایک بجے شروع ہوگا۔ پاکستان کو گزشتہ دو میچوں میں فیلڈنگ اور بیٹنگ میں ناقص کارکردگی کے باعث شکست کا سامنا کرنا پڑا۔
دوسرے ٹی ٹوئنٹی میں سست بیٹنگ اور فیلڈنگ کی غلطیوں نے پاکستان کی شکست میں اہم کردار ادا کیا۔ سابق کپتان بابر اعظم ابھی تک اپنی بھرپور فارم میں نظر نہیں آئے ہیں، جس کی وجہ سے پاکستانی ٹیم کو مشکلات کا سامنا ہے۔
پاکستان کے وکٹ کیپر بیٹر محمد رضوان نے اس میچ کے حوالے سے امید ظاہر کی ہے کہ ٹیم تیسرا ٹی ٹوئنٹی جیت کر سیریز میں واپسی کرے گی اور وائٹ واش کا شکار ہونے سے بچ سکے گی۔