اسلام آباد:سپیکر قومی اسمبلی نے پارلیمنٹ کے مشترکہ اجلاس میں پاکستان پیپلزپارٹی کے رکن قومی اسمبلی قادر خان مندو خیل کے خلاف کاروائی کرتے ہوئے قومی اسمبلی کے احاطہ میں داخلہ پر پابندی عائد کر دی ۔
اسپیکر قومی اسمبلی اسد قیصر نے پارلیمنٹ کے مشترکہ اجلاس کے دوران ایوان میں غیر پارلیمانی رویہ اختیار کرنے پر پی پی پی پی کے رکن قومی اسمبلی قادر خان مندوخیل کے خلاف کارروائی کرتے ہوئے انکے قومی اسمبلی کے احاطہ میں داخلہ پر پابندی عائد کردی ہے ،یہ پابندی 19 نومبر کے اجلاس کے لیے ہو گی۔
اسپیکر نے یہ کاروائی قومی اسمبلی کے قواعد و ضوابط اور پارلیمنٹ کے مشترکہ اجلاس کے رولز کے تحت ان کو تفویض اختیارات کے تحت کی ہے، قومی اسمبلی سیکرٹریٹ کے شعبہ قانون سازی کی جانب سے قادر خان مندوخیل کو خط جاری کردیا گیا ہے ۔
