لاہور : بشکیک میں پھنسے طلبہ کو لے کر پہلی پرواز لاہور پہنچ گئی ہے۔ پہلی پرواز کے ذریعے 180 طلبہ لاہور پہنچے۔ وفاقی وزیر داخلہ محسن نقوی نے لاہور ایئرپورٹ پر طلبہ کا استقبال کیا۔
ایئرپورٹ منیجر نذیر احمد خان کا کہنا ہے بشکیک سے آنے والی پرواز کے مسافروں کیلئے بین الاقوامی آمد لاؤنج میں الگ کاونٹرز بنا دئیے گئے ۔ طلبا اور مسافروں کی تیز ترین امیگریشن کیلئے ایف آئی اے کو بھی احکامات جاری کیے گئے ہیں ۔
ذرائع کا کہنا ہ کہ بشکیک میں پھنسے طلبا اور مسافروں کو لانے کیلئے مزید پروازیں چلانے کا بھی فیصلہ کیا گیا ہے۔ خصوصی پروازیں کل بھی بشکیک سے پاکستان کیلئے چلائی جائیں گی ۔ طلبہ پروازاے این کے571کےذریعے بشکیک سےلاہور پہنچے۔