لاس اینجلس: ہالی ووڈ اداکارہ ایما واٹسن جوکہ سوشل میڈیا سے دور ہی رہتی ہیں لیکن اب انہوں نے اسی کا سہارا لیتے ہوئے اپنی منگنی اور کیریئر کے حوالے سے ہونے والی افواہوں پر جواب دے دیا ہے۔
تفصیلات کے مطابق 32 سالہ ایما واٹسن نے ٹوئٹر پر واضح انداز میں مداحوں کے لئے پیغام لکھا کہ میری منگنی ہونے یا نہ ہونے اور کیریئر ختم ہونے یا نہ ہونے کی افواہوں سے ہمیشہ خبریں بنتی ہیں، چاہے یہ باتیں سچ ہوں یا جھوٹ ہوں۔
Dear Fans,
— Emma Watson (@EmmaWatson) May 17, 2021
Rumours about whether I’m engaged or not, or whether my career is “dormant or not” are ways to create clicks each time they are revealed to be true or untrue.
ایما واٹسن نے مزید لکھا کہ اگر ایسا کچھ ہوا تو میں وعدہ کرتی ہوں کہ آپ لوگوں کو ضرور بتاؤں گی۔فی الحال مجھ سے کسی خبر کی امید نہ کریں۔میں یہ وبا کا وقت خاموشی سے گزار رہی ہوں اور اپنے چاہنے والوں کے لیے فکر مند ہوں۔
اداکارہ نے اپنے پیغام میں مزید لکھا کہ میں وبا سے بچنے کی پوری کوشش کررہی ہوں کیونکہ یہ اب بھی بہت لوگوں کو متاثر کررہا ہے۔
In the mean time please assume no news from me just means I’m quietly spending the pandemic the way most people are - failing to make sourdough bread (!), caring for my loved ones and doing my best not to spread a virus that is still affecting so many people.
— Emma Watson (@EmmaWatson) May 17, 2021
ایما واٹسن نے اپنے مداحوں کے لیے لکھا کہ امید کرتی ہوں آپ لوگ خیریت سے اور خوش ہوں گے۔ اداکارہ نے ہیلتھ ورکرز کا شکریہ ادا کرتے ہوئے لکھا کہ آپ لوگ ہمیں محفوظ رکھنے کے لئے بہت محنت سے کام کر رہے ہیں۔
واضح رہے کہ ایما واٹسن نے افواہوں کا جواب دینے کے لئے آج ٹوئٹر کا استعمال کیا۔اس سے قبل انہوں نے 27 اگست2020 کو ٹوئٹر کا سہارا لیا تھا۔
