کراچی: سندھ حکومت نے یوم علیؑ کے موقع پر 22 مارچ کو صوبے بھر میں تعلیمی ادارے بند رکھنے کا اعلان کردیا۔
محکمہ اسکول ایجوکیشن سندھ کے جاری کردہ اعلامیے کے مطابق 21 رمضان المبارک کے موقع پر تمام سرکاری و نجی تعلیمی ادارے بند رہیں گے۔
یہ تعطیل یوم علیؑ کے سلسلے میں دی گئی ہے، تاکہ عزاداری کے اجتماعات اور جلوسوں کے انعقاد میں سہولت فراہم کی جا سکے۔ ہر سال ملک بھر میں 21 رمضان المبارک کو حضرت علیؑ کی شہادت کے موقع پر مجالس اور جلوس منعقد کیے جاتے ہیں، جس کے پیش نظر عام تعطیل دی جاتی ہے۔
واضح رہے کہ سندھ حکومت ہر سال یوم علیؑ کے موقع پر صوبے میں تعطیل کا اعلان کرتی ہے تاکہ عقیدت مندوں کو سہولت فراہم کی جا سکے۔
