سرگودھا میں شوہر نے 22 سالہ بیوی کے گلے میں پھندہ ڈال کر قتل کردیا گیا ہے ۔
تفصیلا ت کے مطابق پولیس ذرائع کے مطابق 22 سالہ آمنہ بی بی کی 2 برس قبل عبداللہ کانی کے وقاص علی سے شادی ہوئی ۔ آمنہ بی بی 8 ماہ کی بچی کی ماں تھی ۔ شوہر کے ساتھ ناچاقی تھی ۔ مبینہ طور پر شوہر دوسری شادی کا خواہش مند تھا ۔
بیوی نے دوسری شادی کی اجازت دینے سے انکار کردیا تھا ۔ ملزم وقاص نے مبینہ طور پر بیوی کے گلے میں پھندہ ڈالا اور اسے قتل کرکے لاش سول اسپتال لے آیا ۔
جہاں ایمرجنسی وارڈ کے عملے کو بتایا کہ اس کی بیوی نے خودکشی کرلی ہے ۔ اسپتال کے عملہ نے پولیس کو کال کی تو ملزم لاش چھوڑ کر فرار ہوگیا ۔ ڈاکٹرز کے مطابق خاتون کو گلے میں پھندہ ڈال کر قتل کیا گیا ہے ۔
جسم پر تشدد کے نشانات بھی موجود ہیں مقتولہ کے والد شاہد منظور نے بتایا کہ میری بیٹی کو گلے میں پھندہ ڈال کرقتل کیا گیا ہے ۔ پولیس نے لاش پوسٹ مارٹم کے بعد ورثا کے حوالے کردی ۔
پولیس کا کہنا ہے کہ ملزم کی گرفتاری کیلئے چھاپے مار رہے ہیں ۔ والد نے بتایا کہ ہماری بیٹی کیساتھ ملاقات کی اجازت بہیں دی جاتی تھی ۔ انہوں نے بتایا کہ پانچ چھ ماہ سے میاں بیوی کے درمیان ناچاقی تھی ۔
پولیس کا کہنا ہے کہ واقعہ کا مقدمہ درج کیا جارہا ہے اور ملزم کو جلد گرفتار کرلیا جائے گا ۔
