لاہور(ارسلان جٹ) قومی فٹبال ٹیم کی گول کیپرشمائلہ ستاربھی جناح ہاوس حملے میں ملوث نکلیں ۔انوسٹی گیشن پولیس نے قومی کھلاڑی شمائلہ ستارکو لاہورسےگرفتارکرلیا ۔
پولیس ذرائع کے مطابق ملزمہ شمائلہ ستار نومئی کوجناح ہاوس کےباہرتوڑپھوڑمیں ملوث پائی گئیں ۔ پولیس نے شمائلہ ستارکوجیوفنسنگ کی حتمی فہرست میں نام آنے پرحراست میں لیا ۔قومی فٹبالرشمائلہ ستارکی گرفتاری کےلیے انکی رہائشگاہ پرچھاپہ مارا گیا ۔
پولیس کا کہنا ہے کہ جناح ہاوس کےباہرلگے کیمروں اورموبائل فوٹیجز سے تفتیش جاری ہے ۔ شمائلہ ستار فٹبال کی قومی ٹیم میں بطورگول کیپرنمائندگی کررہی ہیں ۔ ملزمہ شمائلہ ستارکوگرفتارکرنے کےبعدجوڈیشنل ریمانڈپرجیل منتقل کردیاگیا۔
قومی کھلاڑی شمائلہ ستارسےجیل میں شناخت پریڈ کا عمل مکمل کیاجائےگا ۔ پولیس نے جناح ہاوس حملےکا مقدمہ دہشتگردی سمیت سنگین دفعات کےتحت درج کررکھاہے۔