ممبئی: بالی ووڈ کی خوبرو اداکارہ رانی مکرجی نے کہا ہے کہ موٹاپے سے نجات کیلئے سخت ورزش کر رہی ہوں جس سے میرا وزن کافی کم ہو گیا ہے۔ ہر ہیروئن کو کسی بھی ہیرو کے ساتھ فٹ نظر آنے کیلئے خود کو سمارٹ رکھنا پڑتا ہے۔
ایک انٹرویو میں رانی مکرجی نے کہا کہ سوشل میڈیا پر کچھ عرصے سے میری موٹاپے والی تصویریں شیئر کی جا رہی ہیں تاہم حقیقت میں ایسا کچھ نہیں ہے۔ تھوڑا بہت موٹاپا آ جاتا ہے مگر اسے ورزش اور ڈائٹنگ سے دور بھگانا میرے لئے زیادہ مشکل بات نہیں ہے۔
انہوں نے کہا کہ میں نے حالیہ دنوں میں سخت ورزش کر کے کافی وزن کم کیا ہے۔ ایک اور سوال پر انہوں نے کہا کہ سلمان خان، عامر خان اور شاہ رخ خان میرے پسندیدہ ہیروز ہیں جن کے ساتھ کام کر کے بہت مزہ آتا ہے تاہم باہو بلی فلم کے ہیرو نے بھی مجھے بہت متاثر کیا ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
